How to Remove Sun Tan Quickly
Recovering Tanned Skin With Natural Remedies
Dhoop Say Jhulsi Hue Jild:
Sakht dhoop jild par barah-e-raast asar andaz ho kar bohat say masail paida karti hai or asal rangat ko zail karnay ka bais bhi banti hai. Is ki shiddat say jild jhulas jati hai . Jild kay masamaat majrooh hotay hain. Suraj ki shuayen barah-e-raast parnay say jild mai chubhan si mehsoos hoti hai. Jild ki nihayat bareek ragain suraj ki garmi or tapish ki waja say toot phoot jati hain jis say jild bay jaan or bay ronaq ho jati hai.
Ehtiyaat (Cautions):
- Bohat sakht garmi or sardi donon he insani jild kay liay muzar hain lehaza motadil darja hararat mai zyada say zyada rehnay ki koshish kijiye.
- Taiz dhoop or sakht garmi mai bahir nikalnay say guraiz karain. Zarooratan dhoop mai jana par jaye to koi mota kapra sar par rakhiye kay chehra suraj ki shuaon kay barah-e-rast asar say mehfooz rahay.
- Garmiyon mai Bahir janay say pehlay pani zaroor pijiye.
Jub Suraj Ki Garmi say Jild Jhulas Jaye to Darj Zail Tareeqay Aazmaiye:
- Angoor (Grapes) kay rus mai rooi bhigo kar chehray par pheriye ye amal us waqt tak jari rakhiye jub tak aap kay chehray par thandak ka ehsaas honay lagay.
- Kisi naram or saaf suthray kapray mai barf kay tukray rakh kar chehray par pheriye.
- Thanda pani chehray par baar baar dalain yahan tak kay thandak or sakoon ka ehsaas ghalib aa jaye.
- Adhi payali doodh mai adha lemon nihor lain or 1/4th chamacha haldi daal dain. Kuch dair baad doodh phut jaye ga, is mehlool ko rooi ki madad say jild par lagayen or halkay halkay massage karain , rozana aik baar amal karnay say chand dinon mai farq daikhain gy.
Read Also: Health Benefits of Ginger for Arthritis and Joint Pain
